Bu sahifadagi ma’lumotlar o‘zbekistonlik foydalanuvchilar uchun aktual hisoblanadi.
Yaxshi sifatdagi tovarlar #
Agar yaxshi sifatdagi tovar sizga mos kelmasa, siz uni qaytarishingiz mumkin. Tovarni qaytarishdan oldin quyidagilarga ishonch hosil qiling:
- tovarda nuqson yo‘q;
- tovar ko‘rinishi, zavod qadog‘i va plombalari, fabrika yorliqlari va iste’molchi xususiyatlari saqlangan;
- tovardan foydalanish izlari yo‘q va uning yaroqlilik muddati tugamagan;
- siz tovarning to‘liq komplektini qaytarasiz, masalan, ikki jildli kitobning ikkala jildini ham;
- elektron qurilmani xarid qilganda siz dasturlarni o‘rnatmagansiz va faollashtirmagansiz.
Raqamli tovarlar, dori vositalari, buyurtma asosida tayyorlangan tovarlar, hayvonlar uchun ozuqalar, tirik gullar va o‘simliklar, oziq-ovqat mahsulotlari va Ozon kartasi, agar ular yaxshi sifatga ega bo‘lsa, qaytarib olinmaydi.
Tovarlarni qaytarish muddati haqida batafsil
Sifati yomon tovarlar #
Quyidagi hollarda tovar sifatsiz hisoblanadi:
- qalbaki bo‘lib chiqsa;
- ishlatayotganda sinib qolsa, ishlamasa yoki yomon ishlasa;
- tashqi nuqsonlar va tovardan foydalanish izlari bo‘lsa.
Buyurtma bajarilishiga e’tirozlar #
Agar buyurtma bajarilishiga e’tirozingiz bo‘lsa, siz tovarni qaytarishni rasmiylashtirishingiz mumkin. Bunga quyidagi holatlar kiradi:
- qadoq va tovarga zarar yetgan;
- tovar yoki komplektning bir qismi yo‘q;
- boshqa tovarni olib kelishgan;
- boshqa o‘lcham va rangdagisini olib kelishgan;
- yaroqlilik muddati tugagan.
Tovarni qaytarish muddatlari #
Agar buyurtmaning bajarilishiga e’tirozingiz bo‘lsa, qaytarilayotgan tovar kategoriyasidan qat’iy nazar, 7 kun ichida qaytarish uchun ariza topshirishingiz mumkin.
Boshqa hollarda tovarni qaytarishni rasmiylashtirish muddati tovarning kategoriyasiga qarab belgilanadi.
| Tovar kategoriyasi | Yaxshi sifatdagi tovar | Sifati yomon tovar |
|---|---|---|
| • Raqamli tovarlar, masalan, sovg‘ali sertifikatlar. • Buyurtma asosida tayyorlangan tovarlar, masalan, gravirovkali vaza. • Ozon kartasi. • Dori vositalari, jumladan hayvonlar uchun. |
Bunday tovarlarni qaytarib bo‘lmaydi | 7 kun |
| Texnik murakkab tovarlar, masalan: • elektron kitoblar, • sovutgichlar, • idish yoki kir yuvish mashinalari, • elektr yoki gaz plitalari, • soatlar, • noutbuklar, • smartfonlar yoki boshqa elektron qurilmalar. |
7 kun | 15 kun |
| • Kiyim-kechak va oyoq kiyimlar, ichki kiyim, tungi kiyim va chulki hamda paypoqlar bundan mustasno. • Uy uchun tekstil, idishlar va interyer uchun bezaklar. • Ta’mirlash materiallari, asbob-uskunalar, bog‘ anjomlari. • Santexnika. • Sumkalar, ryukzaklar, chamadonlar, bijuteriya, ko‘zoynaklar, galantereya. • Turizm va suv sporti uchun tovarlar. • Elektrsiz harakatlanadigan samokatlar, roliklar, skeytbordlar va sport anjomlari. |
21 kun ichida | 21 kun ichida |
| • Jismoniy tashuvchidagi raqamli tovarlar. • Davriy bo‘lmagan nashrlar: kitoblar, broshyuralar, albomlar, kartografik va nota nashrlari, varaqli nashrlar, taqvimlar, bukletlar, texnik axborot tashuvchilarda aks etgan nashrlar. • Shaxsiy gigiyena vositalari: tish cho‘tkalari, taroqlar, zakolkalar, soch uchun bigudi, pariklar, shinyonlar. • Yangi yil tovarlari: sun’iy archalar, elektr girlyandalar, archa bezaklari. • Chulkilar, paypoqlar, kolgotkalar, ichki kiyim, tungi kiyim. • «Готовые проекты» («Tayyor loyihalar») kategoriyasidagi tovarlar. • Velosipedlar. • Qimmatbaho metal va toshlardan zargarlik va boshqa buyumlar. • Istalgan operatorning sim-kartalari. • Ov qilish, baliq tutish va turizm uchun tovarlarning ba’zi kategoriyalari. |
7 kun | 7 kun |
| • Maishiy kimyo tovarlari, pestitsidlar va agrokimyo vositalari. • Tibbiy anjomlar. • Avto va moto ehtiyot qismlari. • Texnik murakkab bo‘lmagan elektronika. • Antikvariat va san’at anjomlari. • Maishiy foydalanish uchun mebel garniturlari. |
7 kun | 21 kun davomida |
| Boshqa tovarlar kategoriyalari | 21 kun davomida | 21 kun davomida |
Kafolat muddati davomida #
Kafolat muddati — ishlab chiqaruvchi xaridorning tovarni almashtirish, pulni qaytarish yoki nuqsonlarni bepul bartaraf etish talablarini qondirishi shart bo‘lgan davr. Ishlab chiqaruvchining javobgarligi tovardan foydalanishga to‘sqinlik qiladigan jiddiy nuqson aniqlanganida yuzaga keladi.
Parallel import qilinadigan tovarlarga ishlab chiqaruvchining kafolati amal qilmaydi. Kafolatni sotuvchi berishi mumkin, muddat tovar kartochkasida ko‘rsatilgan.
Agar kafolat muddati ko‘rsatilmagan bo‘lsa, siz texnik jihatdan murakkab tovarni xarid qilgan kuningizdan boshlab 365 kun ichida kafolat asosida topshirishingiz mumkin.
Agar tovarning kafolat muddati bo‘lsa, siz uni tovar sahifasida ko‘rsatilgan muddat ichida topshirishingiz mumkin.
Tovarni qaytarishda Ozon sizdan vakolatli xizmat ko‘rsatish markazi yoki mutaxassis tomonidan berilgan ishlab chiqarish nuqsonini tasdiqlovchi aktning asl nusxasini, shuningdek kafolat taloni bo‘lsa, uni ham so‘rashi mumkin. Agar tovar texnik jihatdan murakkab bo‘lsa, xulosada nuqsonning jiddiy ekanligi tasdiqlanishi shart.
Kafolat muddati mobaynida tovarni xizmat ko‘rsatish markazida ta’mirlash mumkin.
Kafolatli tovarlarni ta’mirlash haqida batafsil
Potensial xavfli tovarlarni qaytarish #
O‘ta xavfli moddalar bilan to‘ldiriladigan tovarlar potensial xavfli hisoblanib, faqat bo‘sh yonilg‘i baki yoki ballon bilan qabul qilinadi.
Bunday tovarlarga misollar:
- gaz ballonlar;
- ichki yonuv dvigatellari;
- ichki yonuv dvigateli bor yoki yonuvchan moddalar asosida ishlaydigan asbob-uskunalar.